TASA TURISTICA EN GALICIA, EMPEZAR A CASA POLO TELLADO

Adiantándome a un debate que ao parecer vai a sair á luz estes días, quixera deixarvos a miña opinión sobre o que considero unha proposta fora de lugar na nosa terra.

Estamos en crise, pero hai que reflexionar !!! En Galicia de todos os concellos aínda non fusionados hai 40 declarados como Concellos Turísticos e moitos máis que tamén aumentan moito a poboación no verán. Chegado a este punto é lóxico pensar que as administracións pensen na posibilidade de apostar pola subida de tasas sobre a ocupación de prazas hoteleiras, pero eu quixera levar o debate por outro lado que é o da madurez do noso sector turístico.

Galicia non é Cataluña nin falta que fai, tal e como se pode observar nos datos do INE que figuran na imaxe que adxunto, a nosa comunidade non é precisamente das que mais sector turístico ten, o cal implica que tampouco ten a súa capacidade presión ou de decisión, en Cataluña o goberno toma as decisións co beneplácito dun sector forte e cohexionado ao redor dunhas contas de resultados baseadas nas súas própias capacidades e non dependentes en exclusiva das accións da administración.

O turismo de masas do Mediterraneo e das illas en España non é o turismo que nós temos nin o que queremos, as infraestructuras públicas que precisa o noso turista non son nin por asomo as que precisa calquera concello do Maresme. En Galicia deberiamos de tomarnos en serio o artellamento do sector turístico, empresas que poidan aportar mais ás arcas públicas porque gañan mais cartos e eso non se fai de un día para outro. Deixando a un lado a cidade de Santiago, lóxicamente, do resto de Galicia levanse anos realizando campañas de promoción e pouco artellamento do sector, si a eso lle xuntamos as liortas que como bos galegos temos entre as nosas asociacións, o resultado é a inexistencia de productos turísticos comercializables no canal e microempresas espalladas e ailladas que se empezan a dar de conta de que hai que ofertar algo máis que camas para ter futuro.

É certo que a recén creada e en breve finiquitada Secretaría Xeral para o Turismo da Xunta de Galicia ben de dar algún paso na colaboración co sector na creación de productos turísticos co malogrado proxecto Vive Galicia e coa valente aprobación dos Xeodestinos, accións que empezan a prender en outras zonas, pero tamén é ben certo que se está aínda empezando e para eso hai que contar cun sector unido e forte cousa que non sempre interesa desde o poder político. O fortalecemento do asociacionismo empresarial é calve en todo este proceso, agora mesmo na maioría dos xeodestinos nos que hai que crear producto turístico o sector está desartellado e formado por microempresas sin capacidade de crear productos turísticos de verdadeiro interese e moito menos manter unha estratexia de comercialización axeitada.

A solución de entes ou de empresas públicas de turismo para os xeodestinos é un bo xeito de empezar,  para o que a administración ten que poñer medios de inicio, pero cun plan que contemple que a medio prazo o mantemento destes entes debe de ser custeado polas empresas, pero sin olvidarse de eso, son empresas e non van invertir en algo que non sexa serio e con futuro, algo que se demostrará co temo, entonces si, entonces falaremos de tasas.