RSSAs dúas visións do cambio climático
O meirande desafío da humanidade, que ten que ver coa necesidade de lle facer fronte a unha mudanza climática encadrada nunha crise ambiental de augurios apocalípticos, ten hoxe dúas supostas resolucións enriba da mesa. Dunha banda a do feble entendemento xurdido da Conferencia de Copenhagen en decembro de 2009, que terá continuidade na COP-16 de Cancún a finais de ano. Da outra, o Acordo dos Pobos xerado na Conferencia Mundial dos Pobos sobre o Cambio Climático e os Dereitos da Nai Terra celebrado en Cochabamba (Bolivia) en abril deste ano. A proposta dos poderosos, dos gobernos neoliberais e das empresas que os amparan, fronte á proposta da sociedade civil e dos gobernos antihexemónicos, fundamentalmente os latinoamericanos. Leer más…
Como se pode imaxinar que o PIB mundial, que era de 6.000 millóns de dólares en 1950, que pasou a 43.000 millóns en 2000, poida medrar en 2050 a 172.000 millóns sen trastornar máis aínda os equilibrios naturais, como se iso fora unha mecánica virtuosa? A pregunta –de Jean-Paul Besset– refírese ao “progreso” esperábel atendendo a unha das máximas do capitalismo actual: fai falla un medre anual do 2-3% para seguir a producir e consumir nun panorama de descenso do paro. 
