RSS
Martes, 1 de febrero de 2011
Un novo referente político: soltando lastre
Edificar un novo referente político para a esquerda transformadora galega supón, antes ca nada, desprendérmonos das moitas sobrecargas que impiden a nosa liberación, quer mental, quer material. Só deste xeito poderemos pensar con claridade e organizarnos con eficacia para combater a ideoloxía dominante. Entre outros, como o sectarismo ou a desconfianza -tanto custa atopar espazos para dar conta de obxectivos comúns?-, hai tres tipos de lastre que cómpre arriar en banda: o tempo, o medo e o pensamento único. Leer más…
A estas alturas xa non temos que incidir máis en que a meirande crise sistémica da historia, no canto de producir un rexurdir das teses da esquerda, esas que falan dunha economía planificada na que a clase traballadora domine os medios de produción e na que o capital humano -e o capital planeta- prime sempre sobre o capital financeiro, está a producir un paradoxal reforzamento da ideoloxía ultraliberal -na que incluímos a dos neocons e a dos socialdemócratas, sexan ou non reformistas-, principal causante deste insoportábel tsunami que asolaga dereitos sociais, postos de traballo e unha longa listaxe de decisións democráticamente adquiridas ao longo das últimas décadas. 
Un dos actos centrais da presidencia de quenda española da UE debería ser o Cumio de Xefes de Estado e de Goberno da UE cos de América Latina e O Caribe, para celebrar en Madrid os vindeiros 17, 18 e 19 de maio.
