RSSO Tren Pantasma
Xuño 6th, 2011
O Tren Pantasma é o proxecto radiofónico do músico e comunicador Xaime Barreiro. Unha viaxe impredecible que parte cada día desde a emisora de Radio Obradoiro para crear atmósferas a través de cancións e contos procedentes de todas partes do mundo. Nesta ruta, que mezcla tempos e espacios absolutamente diversos, a cidade de Compostela tórnase protagonista mediante entrevistas aos principais protagonistas da súa escena cultural. Páxina 13, A Trena ou Carreteras Perdidas son algunhas das seccións do Tren. Paradas obrigadas nun camiño cuxo percorrido é unha experiencia á que resulta imposible anticiparse.
